Миңнеханов Петербургтагы газ форумында Татарстан компанияләренең яңа продукциясен карады
Татарстан Рәисе Рөстәм Миңнеханов Петербург халыкара газ форумы күргәзмәсен карады. «Экспофорум»ның өч павильонында, ябык биналарда һәм ачык һавада Россия һәм чит илләрне тәкъдим итүче 500 компаниянең продукциясе урын алган, дип хәбәр итә ТР Рәисенең матбугат хезмәте.
Татарстанны форумда 22 компания тәкъдим итә. Биредә «Ак Барс» холдинг компаниясенең сыекландырылган табигый газга көйләнгән судно макетлары, «КАМАЗ» гавәми акционерлык җәмгыятенең автобуслары, күчмә остаханәсе һәм газ двигательләре, ICL компаниясенең компьютерлары, «РариТЭК Холдинг»ның сыекландырылган табигый газ белән эшли торган авыл хуҗалыгы һәм коммуналь техникасы һ.б. экспонатлар белән танышырга мөмкин.
Форумда катнашучы барлык компанияләрнең күргәзмәсе 50 мең квадрат метрдан артык мәйданны били.