Мәскәүдә «Хәзинә» ансамбле концерт куйды
Мәскәүнең бөтен татарлары белгән Кече Татар тыкрыгындагы тарихи бинаның Зур залында Татар мәдәни үзәге иҗат коллективлары - «Хәзинә» ансамбленең концерты узды. Бу хакта Мәскәү татарлары мохтарияте матбугат хезмәте хәбәр итә.
«Хәзинә» ансамбле — Татар мәдәни үзәгенең иң яшь коллективларының берсе, туры мәгънәдә дә, күчерелмә мәгънәдә дә, чөнки анда яшьләр, урта яшьтәге кешеләр, «Балачак- Детство» студиясенә берләштерелгән балалар да катнаша.
Коллективның сәнгать җитәкчесе Ильмира Галимова һәр чыгышка традицион башкарудан тыш шоу һәм хәтта балет элементларын кертергә тырыша.
Һәрхәлдә, бу коллектив хәтта киң танылган татар җырларын үз манерасы белән башкара. Алар тамашачыны җәлеп итә белә, диелә хәбәрдә.