Казанда Алинә Заһитова мәктәбен төзеп бетерү вакыты билгеләнде
Казанда олимпия чемпионы Алинә Заһитованың фигуралы шуу мәктәбе төзелеше киләсе елның җәенә тәмамланачак. Бу хакта Казан мэриясе матбугат хезмәте хәбәр итә.
Фигуралы шуу мәктәбен ачу турындагы килешүгә Алинә Заһитованың Петербург халыкара икътисади форумы вакытында Татарстан Республикасы Рәисе белән очрашуында ирешелде.
«Бездә тиз төзелә, алты-җиде ай эчендә тәмамланырга тиеш. Урын билгеләнгән. Барысы да республиканың финанс мөмкинлекләренә бәйле. Бу методик үзәк булсын, йолдызлар Казанда гына түгел, республиканың башка шәһәрләрендә дә барлыкка килсен иде», - диде Шәйхетдинов.
Алинә Заһитова – Россия фигуристкасы, ул хатын-кызлар арасында ялгыз шуу буенча олимпия чемпионы (2018), Европа (2018) һәм дөнья (2019) чемпионнары титулына ия.