Актаныштан контракт буенча хезмәткә киткән хәрбигә «Батырлык өчен» медален тапшырдылар
Актаныш районының Түке авылыннан махсус хәрби операциядә контракт буенча катнашучы Рамил Гарифуллин бүген «Батырлык өчен» медаленә лаек булды. Аңа дәрәҗәле хәрби бүләкне Минзәлә район Советының чираттагы утырышында тапшырдылар. Бу хакта https://menzela.ru/ хәбәр итә.
«Хөрмәтле якташыбыз - батыр райондашыбыз Рамил Назиф улын чын күңелдән котлыйбыз. Киләчәктә дә илебезне неонацизм тарафдарларыннан азат итүдә кыюлык һәм батырлык үрнәге булып калырсыз дигән ышанычта калабыз», диелгән «Актаныш» хәбәрендә.