Татарстанның кайбер торак пунктлары гражданлык хәле актларын язуны туктата
Татарстанда кайбер торак пунктларда ЗАГСлар функцияләрен башкаруны туктата. Бу — хокукый мәгълүмат порталында чыккан закон проектында күренә.
Исегезгә төшерәбез, Дәүләт Советы «Татарстанда җирле үзидарә органнарына гражданлык хәле актларын дәүләт теркәвенә алу вәкаләтләрен бирү турында» Татарстан Республикасы законына төзәтмәләр кертте.
Административ үзәк булмаган, әмма язмалар кертә алган торак пунктлар исемлегендә элек 42 торак пункт булган. Хәзер — 22.
20 торак пункт, шул исәптән, Лаеш районыннан Комлы Кавал һәм Столбище, Биектау районыннан Бөреле, Дөбьяз һәм Усад, Тукай районыннан Әҗмәкәй, Бәтке, Кнәз, Круглое Поле, Түбән Суыксу һәм Новотроицкое җирлекләрендә язма ясауны туктатачаклар.