Көллият тәмамлаучылар өчен югары уку йортында уку вакыты кыскартылырга мөмкин
Россия Фән һәм югары белем бирү министрлыгы югары белем бирү буенча яңа буын федераль дәүләт белем бирү стандартларын (ФГОС) эшләү кысаларында көллиятләрне тәмамлаучылар өчен югары уку йортларында уку срогын кыскарту турында нигезләмә кертергә планлаштыра. Бу турыда РИА Новости хәбәр итте.
Элегрәк Россия Президенты Владимир Путин Фән һәм югары белем бирү министрлыгына югары уку йортында ала торган белгечлекнең профильлеге сакланган очракта урта һөнәри белем алган чыгарылыш укучылары өчен югары белем бирү программалары буенча белем алу срогын кыскарту турында мәсьәләне хәл итәргә йөкләде.
«Федераль дәүләт белем бирүнең яңа буын стандартын эшләү кысаларында (ФГОС-4) аңа урта һөнәри белем бирү оешмаларын тәмамлаучылар өчен югары белем бирү программалары буенча уку срогын кыскарту турында нигезләмә кертү планлаштырыла», диелә хәбәрдә.
Шул ук вакытта министрлыкта белдерүләренчә, хәзерге вакытта мәгариф турындагы закон башка белем бирү йортларында, шул исәптән урта һөнәри белем бирү оешмаларында элек үзләштерелгән дисциплиналарны, модульләрне исәкә алып, уку срокларын кыскартырга мөмкинлек бирә.
«Укучыларга белем бирү турындагы федераль закон нигезендә индивидуаль укыту планы буенча, шул исәптән тизләтелгән режимда уку хокукы бирелә», - дигәннәр Фән һәм югары белем бирү министрлыгында.