Яшел Үзән янында Идел култыгында боз астына төшеп киткән ир-атның мәетен тапканнар
Яшел Үзән янында Идел култыгында ир-атның боз астына төшеп китүе турында 16.24 сәгатьтә хәбәр ителә.
Россия Гражданнар оборонасы министрлыгының Татарстан буенча Баш идарәсенең матбугат хезмәтендә хәбәр итүләренчә, һәлакәт урынына коткаручылар килгән. Алар ярдан 25 метр ераклыкта билгесез ир-атның мәетен тапкан. Аны ярга чыгарганнар һәм полиция хезмәткәрләренә тапшырганнар. Хәзер һәлак булган ир-атның шәхесен, шулай ук һәлакәт килеп чыгу сәбәпләрен ачыклыйлар.
Ведомствода әлеге урында бозның калынлыгы бары 3-4 см булуын билгеләп үттеләр.