Россия Герое Рәсим Баксиков: Татарстан Путинны президентлыкка тәкъдим итүне актив хуплый
Татарстанда яшәүчеләр Владимир Путин кандидатурасын Россия Президенты вазифасына тәкъдим итүне актив хуплый. Бу турыда Россия Герое, «Монолит» кушаматлы танкчы Рәсим Баксиков белдерде, дип яза «Татар-информ».
«Волонтерлар, «Бердәм Россия» активистлары, халык фронты ярдәме белән аның кандидатурасын хуплап күп имза җыелды. Һәм хәзерге вакытта бу эш дәвам итә. Бүген Үзәк штабка имза кую кәгазьләренең беренче партиясен китерделәр», - диде Баксиков.
Баксиков сүзләренчә, ил үсеш алуын дәвам итә һәм көчле лидерга мохтаҗ. «Кемдер моның белән шөгыльләнергә тиеш. 2000 елдан Владимир Владимирович Путин эшли һәм әле тәмамламады», - диде Россия Герое.
Бүген Мәскәүдә 2024 елда президентны сайлауда Россия Федерациясенең хәзерге Президенты Владимир Путин кандидатурасын хуплап Татарстанда җыелган имза кую кәгазьләрен тапшыру уза.