Зәй чаңгычысы Антон Тимашов Россиякүләм ярышларда танылды
3-4 февральдә Төмәндә чаңгы узышлары буенча Россия Кубогына ярышларның VI этабы узды. Анда Татарстан җыелма командасы составында Зәйнең Федор Симашев мәктәбе спортчысы Антон Тимашов катнашты. Бу хакта «Зәй яңалыклары» хәбәр итә.
Антон 15 километр арага ирекле стильдә масс-старт узышларында бронза медаль алды. Ул Россиянең атаклы спортчылары Александр Большунов һәм Алексей Червоткиннан гына калышты. Бу ярышларда Татарстан командасы 4218 очко җыеп беренче урын яулады. Бу узышларда Антонның да өлеше зур.