Татарстанда 10 сыйныф укучылары хәрби әзерлек буенча биш көнлек җыеннарга китәчәк

Татарстанда 10нчы сыйныф укучыларын хәрби әзерлек буенча биш көнлек җыенга җибәрәчәкләр. Бу хакта бүген Татарстан Министрлар Кабинетында брифингта республика яшьләр эшләре министры Ринат Садыйков хәбәр итте.

«Мәгариф» илкүләм проектының «Социаль активлык» федераль проекты юнәлешләренең берсе - патриотик юнәлешне үстерү. Биредә Татарстан лидер булып тора, бу соңгы өч елда без алган инфраструктура хисабына мөмкин булды», - дип сөйләде Яшьләр эшләре министрлыгы җитәкчесе.

Шулай итеп, узган елда республикада яшүсмерләр өчен хәрби-патриот клублар саны (153 тән 174кә кадәр) артты. Алар һәр муниципалитетта бар, анда барлыгы өлкән яшьтәге 14 меңнән артык бала шөгыльләнә.

Моннан тыш, министр искәрткәнчә, соңгы өч елда 3 өстәмә «Авангард» яшьләргә хәрби-патриотик тәрбия үзәге Түбән Кама, Чистай һәм Казанда ачылды.

«10нчы сыйныф укучыларын хәрби әзерлек буенча 5 көнлек җыенга алып киләбез. Бу заманча патриотларны тәрбияләү эшендә мөһим юнәлеш. Укучылар беренче тапкыр Калашников автоматларын җыярга һәм сүтәргә, сафка тезелү һәм физик әзерлеккә өйрәнә. Ел саен шактый кызыклы курслар уза», - дип билгеләп үтте Садыйков.

Аның сүзләренчә, нәкъ менә хәзер чираттагы мондый курс «Патриот» спорт-патриотик һәм яшьләрне чакырылышка кадәр әзерләү республика үзәгендә эшли башлый.

Илкүләм проектлар Россиядә 2019 елдан Россия Президенты Владимир Путин карары белән гамәлгә ашырыла.