Башкортстанда югалган 14 яшьлек үсмерне Татарстанда эзлиләр
23 февральдә Башкортстан Республикасының Учалы районы Иске Муйнак авылында яшүсмер югалган. Бу хакта «ЛизаАлерт» эзләү-коткару отряды хәбәр итә.
Билгеләп үтелгәнчә, үсмер Татарстан Республикасы территориясендә булырга мөмкин.
14 яшьлек үсмер карасу зәңгәр куртка, кара чалбар, карасу зәңгәр кроссовка һәм бәйләнгән кара башлык кигән.
Билгеләре: буе – 140 сантиметр, ябык гәүдәле, карасу коңгырт чәчле, коңгырт-кара күзле.
Үсмерне күрүчеләр яки аның кайда икәнен белүчеләр булса, 112 яки 8-800-700-54-52 телефоннарына шалтыратуны сорыйлар. Бу турыда «Татар-информ» яза.
Фото: © «ЛизаАлерт»