Мәскәү суды Казан прокурорының элекке урынбасары Гомәр Нәфиевне сак астына алды
Мәскәүнең Замоскворецкий суды Казан прокурорының элеккеге урынбасары Гомәр Нәфиевне кулга алды, дип хәбәр итә ТАСС.
Агентлык мәгълүматлары буенча, Нәфиевне ришвәт турындагы эш буенча сак астына алганнар.
Казан прокурорының элеккеге урынбасары «аеруча зур күләмдә ришвәт алу» маддәсе буенча гаепләнә.
Аның буенча максималь җәза – 15 ел колония. Шулай ук ришвәт суммасыннан 100 тапкыр арттырылган күләмдә штраф, дип яза «Татар-информ».