Махсус хәрби операциядә катнашучыларга Теләчедә коры аш әзерлиләр
Теләче мәдәният йорты базасында район кешеләре белән мәдәният хезмәткәрләре махсус хәрби операциядә катнашучыларга ярдәм эшен дәвам итә. Бу көннәрдә кыр шартларында ашау ризыгына ихтыяҗ булган коры аш җыелмалары тутырыла. Бу хакта «Теләче-информ» хәбәр итә.
Аның өчен киптерелгән яшелчәләр, ит һәм тәмләткечләр билгеле бер пропорциядә тутырыла. Шулай ук бу көннәрдә татлы җыелмалар да әзерләнде.
«Бу эштә теләгән һәр кеше катнаша ала. Сезне Теләче авылы Белова, 5 адресы буенча урнашкан район мәдәният йортында көтеп калабыз», диелгән хәбәрдә.