Татарстан провинциаль хезмәт хаклары үсеше иң югары булган төбәкләр арасына керде
![Татарстан провинциаль хезмәт хаклары үсеше иң югары булган төбәкләр арасына керде](https://www.tatar-inform.ru/resize/shd/images/uploads/news/2024/3/25/15762870341011cdd25f37daac7b50ce.jpg)
2023 ел нәтиҗәләре буенча Татарстан провинциаль хезмәт хаклары дәрәҗәсе буенча Россия төбәкләре рейтингында 13нче урынны алды һәм аның үсеш темплары буенча лидерлар арасына керде. РИА Новости агентлыгы шул хакта инфографика әзерләгән.
Әйтик, хисап чорында республиканың кече һәм урта торак пунктларында уртача хезмәт хакы - 59,2 мең сум, аның товар һәм хезмәтләрнең фиксацияләнгән җыелмасы бәясенә чагыштырмасы 3,25не тәшкил иткән.
Төбәкләр арасында Бурятиядә (номиналь үсеш – 26 процент), Камчатка краенда (+22,5 процент), Татарстанда (+22,4 процент), Алтайда (+20,5 процент), Смоленск өлкәсендә (+20,1 процент) һәм Брянск өлкәсендә (+20,1 процент) хезмәт хаклары үсешендә сизелерлек динамика күзәтелгән.