Мөслим районы укучылары Чаллы педагогия университетында булды
Мөслим районының 9 нчы сыйныф укучылары Чаллы педагогия университетында «Ачык ишекләр көне» ндә булды. Булачак абитуриентлар көллият һәм аның карамагындагы факультетлар турында күп кызыклы мәгълүмат белде. бу хакта «Мөслим-информ» сайтына мәгариф идарәсендә хәбәр иткәннәр.
Һәр факультетның студент активы кызыклы интерактивлар һәм мастер-класслар әзерләгән, алар чыгарылыш укучыларына студент тормышына чумарга, шулай ук кызыклы һәм танып белү мәгълүматлары алырга ярдәм итте.
Университет ректоры Әлфинур Галиәкбәрова булачак абитуриентлар һәм аларның әти-әниләре белән очрашу үткәрде. Ул югары уку йортының казанышлары турында сөйләде, ата-аналар һәм укучыларның сорауларына җавап бирде. Кабул итү комиссиясе секретаре Луиза Минһаҗева кабул итү кампаниясенең үзенчәлекләре турында җентекләп аңлатты.