Әлмәттән Оренбург халкына чираттагы гуманитар ярдәм китерелгән
Оренбург өлкәсенә Әлмәттән эчәргә яраклы су төялгән фура барып җитте. Барлыгы 5 литрлы 2 мең данә шешә су алып барганнар. Бу хакта «Әлмәт таңнары» хәбәр итә.
Искәртик, Оренбург өлкәсендә гадәттән тыш хәл режимы кертелде. Йортсыз калучылар күп.
Әлмәттә гуманитар ярдәм кабул итү дәвам итә. Җыю пунктының адресы: Ленин урамы, 21 (Яшьләр үзәге). Ул 8.00-20.00 сәгатьтә эшли. Шәхси гигиена кирәк-яраклары, азык-төлек, урын-җир әйберләре һ.б. кирәк.