Азәрбайҗан Президенты Илһам Алиев Мәскәүгә килә
Азәрбайҗан Президенты Илһам Алиев эш сәфәре белән Мәскәүгә килә. 22 апрельдә ул Россия Президенты Владимир Путин белән сөйләшүләр үткәрә. Кремль сайтында шул хакта хәбәр урнаштырылган.
Лидерлар Россия һәм Азәрбайҗан арасындагы мөнәсәбәтләрне алга таба үстерү, шулай ук төбәк проблематикасы мәсьәләләре буенча фикер алышачак.
Моннан тыш, Байкал-Амур магистрале төзелеше ветераннары белән очрашу да планлаштырылган. Ул вакытта төзелеш эшләренә СССР Министрлар Советы вәкиле, Азәрбайҗанның булачак Президенты Гейдар Алиев кураторлык иткән. Ул – гамәлдәге дәүләт башлыгының әтисе.