Кич белән Татарстанда яшен һәм көчле җил көтелә
Бүген кич һәм төнлә Татарстанда һава торышы начарлануы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Республикада яшен көтелә. Аның вакытында җилнең тизлеге секундына 15-17 метрга, Казанда 15 метрга кадәр көчәюе фаразлана. Синоптиклар фаразлавынча, 20 апрельдә дә начар һава торышы көтелә.
«Татар-информ» хәбәр иткәнчә, якындагы көннәрдә Татарстанда аномаль эссе һава торышы була. Һава температурасы +27 градуска кадәр күтәрелергә мөмкин.