Ике көн эчендә Казанда БРИКС уеннарына 4,5 мең билет сатылган
Сатулар башланганнан бирле БРИКС уеннарын оештыручылар 100 меңнең 4,5 мең билетын саткан. Бу хакта Татарстан спорт министры Владимир Леонов «Россия» күргәзмә-форумында «Спорт. Киләчәк мөмкинлекләре» пленар утырышында сөйләде, дип хәбәр итә ТАСС агентлыгы.
«Кызыксыну бар, география киңлеген күрәбез, билетларны Казан һәм Татарстан кешеләре генә түгел, бөтен ил һәм бөтен дөнья кешеләре дә сатып ала», — дип сөйләде спорт ведомствосы башлыгы.
БРИКС уеннары Татарстан башкаласында 12-23 июньдә узачак. Барлыгы 29 спорт төре буенча 380 комплект медаль уйнатыла. Халыкара турнир дисциплиналарына беренче билетлар 23 апрельдә - уеннар башланырга 50 көн кала сатыла башлады.