Комаров Президентның Идел буе федераль округында Тулы вәкаләтле вәкиле вазифасында калды
Игорь Комаров Россия Президентының Идел буе федераль округындагы Тулы вәкаләтле вәкиле вазифасын саклап калды. Аны яңадан билгеләү турында указны РФ Президенты Владимир Путин имзалады.
«Комаров Игорь Анатольевич - Россия Федерациясе Президентының Идел буе федераль округындагы Тулы вәкаләтле вәкиле», - диелә Кремль сайтында.
Моннан тыш, башка федераль округларда дәүләт башлыгы вәкилләре дә яңадан билгеләнде.
Игорь Щеголев - Үзәк федераль округында,
Александр Гуцан - Төньяк-Көнбатыш федераль округында,
Владимир Устинов - Көньяк федераль округында,
Юрий Чайка - Төньяк Кавказ федераль округында,
Владимир Якушев - Урал федераль округында,
Анатолий Серышев Себер федераль округында Россия Федерациясе Президентының Тулы вәкаләтле вәкиле булды.
Исегезгә төшерәбез, Игорь Комаров 2018 елның 7 сентябреннән РФ Президентының Идел буе федераль округындагы Тулы вәкаләтле вәкиллеген җитәкли.
Моннан тыш, Владимир Путин дәүләт башлыгы хакимияте җитәкчелегендә билгеләнү турында тагын берничә указга кул куйды. Әйтик, элегрәк «Татар-информ» РФ Иминлек советының элеккеге секретаре Николай Патрушев һәм Тула өлкәсе губернаторы Алексей Дюмин нинди вазифалар биләячәге турында хәбәр иткән иде.