Актанышта Бөтенроссия өйрәнүләре узачак
20 майда Актанышта Бөтенроссия өйрәнүләре узачак. Бу хакта «Актаныш» сайтында Ләйсән Газизова яза.
Бөтенроссия өйрәнүләре вакытында мәгариф оешмалары - мәктәпләр һәм балалар бакчалары объектларына карата кылынган кораллы һөҗүмне ликвидацияләү күнекмәләре тикшереләчәк. Өйрәнүләр вакытында бинадагы шартлаткыч җайланмаларны эзләп табу, аны зарарсызландыру, хезмәткәрләрне һәм балаларны эвакуацияләү һәм башка коткару, саклык хәрәкәтләрен үтәү мөһим.
Өйрәнүләргә хокук сакчылары, Гадәттән тыш хәлләр хезмәткәрләре, ашыгыч ярдәм дә тартыла. Әлбәттә, бу хезмәтләр объектларга барганда автомобиль сигналлары да кушылачак. Оештыручылар район гражданнарын бу вакытта курыкмаска кирәк, дип искәртә.