Россия Хөкүмәте Җиңүнең 80 еллыгын бәйрәм итү планын раслады
Россия Хөкүмәте Бөек Ватан сугышында Җиңүнең 80 еллыгына әзерлек һәм бәйрәм итү планын раслады. Ул 2025 елда билгеләп үтелә. Бу хакта «Российская газета» яза.
Анда чит ил дәүләтләре вәкилләре катнашында тантаналы вакыйга, шулай ук Бөек Ватан сугышында хәлиткеч бәрелешләргә һәм мөһим вакыйгаларга багышланган истәлекле-мемориаль чаралар да карала. Якындагы ике елда 170тән артык чара үткәреләчәк.
Хөкүмәттә белдерүләренчә, сугыш елларында һәлак булган хәрбиләрнең истәлеген мәңгеләштерүгә зур игътибар биреләчәк. Шулай ук чит илдә дә сугышчылар каберләрен төзекләндерү, хәрби хәрәкәтләр урыннарында эзләү эшләре, һәлак булган сугышчыларның җәзадларын күчереп җирләү, Россия архивлары фондларындагы сугыш турындагы материалларны халыкка чыгару планлаштырылган.