Камал театры «Чаткылар» музыка фестивале оештыра
10-14 июльдә «Шәрык клубы» комплексы ишегалдында беренче тапкыр «Чаткылар» музыка фестивале була. бу турыда Камал театрының матбугат хезмәте хәбәр итте.
Һәр көн Камал театры оркестры концертлары, чакырылган солистлар, коллективлар һәм театр артистлары чыгышлары, шулай ук музыкаль спектакльләр була.
Фестиваль программасы:
10 июль. Фестивальнең ачылышы. Г.Камал исемендәге театр оркестры концерты. Узган сезонның иң яхшы номерлары. Чакырылган солистлар һәм театр артистлары чыгышы.
Катнашалар: М.Тәминдарова җитәкчелегендәге ТР Дәүләт камера хоры; җырчылар: Илвина, Илгиз Мөхетдинов, Илгиз Шәйхразиев, Алина Шәрипҗанова, Гөлсирин Абдуллина, Азат Абитов, Зарина Хәсәншина, Анастасия Макарова, Эля Игъламова, Татьяна Ефремова, Чулпан Йосыпова һәм Г.Камал исемендәге театр артистлары.
11 июль. «Дөньяның бердәм телендә» камера музыкасы концерты. Оркестр солистлары концерты. Программада «Шәрык клубы»нда сезон дәвамында булган иң яхшы номерлар. Чакырылган коллективлар: «Таң» дуэты, Казан триосы, Н.Җиһанов исемендәге кыллы квартет.
12 июль. «Алмаш». Балалар музыкаль һәм театр коллективлары концерты.
13 июль. «Башмагым» музыкаль спектакле. Концерт варианты.
14 июль. Фестивальнең ябылу тантанасы. Театр оркестрының «Яңа» дип аталган, ясалма интеллектка корылган концерты.