Миңнеханов «Росмолодежь» һәм «Беренчеләр хәрәкәте»нең яңа җитәкчеләре белән очрашты
Татарстан Рәисе Рөстәм Миңнеханов Яшьләр эшләре буенча федераль агентлык җитәкчесе Григорий Гуров һәм «Беренчеләр хәрәкәте» Гомумроссия иҗтимагый-дәүләт балалар һәм яшьләр хәрәкәте идарәсе рәисе Артур Орлов белән очрашты.
Очрашуда Миңнеханов Орлов белән Гуровны яңа җаваплы вазифаларга билгеләнүләре белән котлады. Ул билгеләп үткәнчә, Татарстанның Яшьләр эшләре буенча федераль агентлык һәм «Беренчеләр хәрәкәте» белән хезмәттәшлеге яхшы нәтиҗәләр бирә һәм конструктив хезмәттәшлек дәвам итәр дип ышаныч белдерде.
Татарстан Рәисе шулай ук республикада яшьләр сәясәте буенча ниләр эшләүләре турында кыскача сөйләде. Шулай итеп, инфраструктура яңартыла: мәктәпләр белән яшүсмерләр клублары, яшьләр үзәкләре, балалар өчен сәламәтләндерү лагерьлары төзелә. Моннан тыш, Татарстан яшьләре федераль конкурсларда актив катнаша.
Рөстәм Миңнеханов Татарстан яшьләр юнәлешен актив үстерүне һәм яшьләрнең проектларына һәм инициативаларына ярдәм күрсәтүне дәвам итәчәгенә ышандырды.
Очрашуда шулай ук ТР Рәисе Администрациясе җитәкчесе Әсгать Сәфәров, ТР мәгариф һәм фән министры Илсур Һадиуллин һәм башкалар катнашты.