Мамадыш халкы махсус операциягә чираттагы гуманитар ярдәм җибәрергә әзерләнә

Мамадыш халкы махсус операция зонасына чираттагы гуманитар йөк җибәрергә әзерләнә. Ярдәмне шәһәр һәм районның хезмәт коллективлары, шулай ук халык һәм иҗтимагый оешмалар җыйган, дип хәбәр иттеләр муниципалитет администрациясендә.

Ярдәм җыюга мәктәпкәчә белем бирү оешмасы үз өлешен кертте. «Бәләкәч» балалар бакчасы «Своих не бросаем!» акциясен оештырды, аны әти-әниләр дә, тәрбияләнүчеләр дә хуплады. Олылар азык-төлек, гигиена кирәк-яраклары, җылы кием, эчке кием һәм көрәкләр алып килгән.

Узган көздә оешма кечкенә ярминкә уздырды инде. Товар сатудан җыелган акчалар махсус операция катнашучылар ихтыяҗлары өчен тапшырылды.

Элегрәк ТР Рәисе Рөстәм Миңнеханов Татарстан Дәүләт Советына еллык юлламасында махсус хәрби операциядә катнашучыларга ярдәм күрсәтүгә мөһим өлеш керткән өчен волонтерларга рәхмәт белдерде. «Кешеләр моны үз тирәсендә шундый ук битараф булмаган гражданнарны берләштереп, фикердәшләрдән тулы бер командалар җыеп ихлас күңелдән һәм чын йөрәктән эшли», - дип искәртте республика җитәкчесе.

1 гыйнвардан Татарстанда РФ Саклану министрлыгы белән контракт төзүчеләргә 2,2 миллион сум акча бирелә. Акчаның күләме арту республикада түләүләр күтәрелүгә бәйле.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.