Санкт-Петербург мөфтияте: Ураза гаете намазында 300 мең кеше катнашты
Санкт-Петербург шәһәренең төрле мәчетләрендә 30 мартта Ураза бәйрәме намазында барлыгы 300 меңнән артык мөселман кешесе катнашты, дип хәбәр итә Санкт-Петербург һәм Төньяк-Көнбатыш мәселманнары диния назәрәте.
Шәһәрнең Җәмигъ мәчетенә 150 мең кеше килгән. Намаз кылырга җыелучылар күп булганлыктан, урамнарны ябып торырга, транспорт эшенә үзгәрешләр кертергә туры килде, диелә хәбәрдә.
Петербургның Приморье районында урнашкан Җәгъфәр хәзрәт Пончаев исемен йөрткән Истәлек мәчетенә 130 меңгә якын, «Сенная»дагы гыйбадәт йортына 30 меңгә якын, Красное селода һәм Беринг урамындагы гыйбадәт йортларына 7 меңнән артык кеше гает намазына килгән.
Гает намазы Санкт-Петербургның Җәмигъ мәчетендә Санкт-Петербург һәм Төньяк-Көнбатыш мөселманнары диния назәрәте рәисе Равил хәзрәт Панчеев җитәкчелегендә үткән.