Кадрия Идрисова: «Татар кызчыгы, татар малае» бәйгесе – матур традициягә әверелде
Бөтендөнья татар конгрессы каршындагы «Ак калфак» татар хатын-кызлары оешмасы рәисе Кадрия Идрисова «Татар кызчыгы, татар малае» бәйгесе – бер матур традициягә әйләнүен билгеләде.
«Безнең «Татар кызчыгы, татар малае» бәйгесе – бер матур традициябезгә әверелде. Әлеге бәйге 8нче ел үткәрелә. Биредә балалар бакчаларыннан кызлар һәм малайлар катнаша. Бу конкурс бөтен дөнья буенча үткәрелеп килә. Иң башта шәһәркүләм сайлап алу туры оештырыла. Быел Казан турыннан иң башта 29, аннан соң алар арасыннан 16 бала сайланып алынды. Алга таба егетләр өчен спорт күнегүләрен колачлаган мастер-класслар булса, кызларга аш-су темасына осталык дәресләре бирдек. Остаханәләр чыннан да бала-чага өчен гаять кызыклы һәм мавыктыргыч булды», – дип сөйләде ул.
Әңгәмәдәш әйтүенчә, бәйгенең гала-концерты 14нче апрель көнне Габдулла Кариев исемендәге Казан татар дәүләт яшь тамашачы театрында үтәчәк.