Татарстанда кыска эш атнасы башланды
Татарстанда кыска эш атнасы башланды. Бу Россия көнен бәйрәм итү белән бәйле.
Биш көнлектә эшләүче татарстанлылар нибары өч көн – 9 июньнән 11 июньгә кадәр эшләячәк. Пәнҗешәмбе, 12 июнь, ял көне булачак. Җомга көнне, 13 июньдә, 8 марттан өстәмә ял көне күчерелү сәбәпле, татарстанлылар ял итәчәк.
Бу атнаның соңгы эш көне – 11 июнь – эш көне бер сәгатькә кыскара. Димәк, бу атнада татарстанлылар 23 сәгать эшләячәк. Бу, биш көнлектәге 40 сәгатьлек эш белән чагыштырганда, ике тапкырга диярлек кимрәк.
Әгәр дә бәйрәм көне, 12 июнь, хезмәткәрнең ялына туры килә икән, бу көн турыдан-туры ял исәбенә керми, димәк, отпуск үзе бер көнгә озайтыла.