Татарстанда хезмәткә сәләтле халык арасында үлүчеләр саны 15 процентка арткан
Соңгы ун елда Татарстанда хезмәткә сәләтле халык арасында үлүчеләр саны коэффициенты 15 процентка арткан. Бу хакта мәгълүмат ТР Министрлар Кабинетының «Татарстан Республикасында сәламәтлекне яхшырту өчен оптималь медицина реабилитациясе» төбәк программасын раслау турындагы» карарында чыкты.
Шул ук вакытта республикада гомумән алганда үлүчеләр саны күрсәткече 5,9 процентка кимегән. 2024 елда татарстанлылар иң еш очракта кан әйләнеше авыруларыннан үлгән.
Моннан тыш, шул ук чорда йөрәк-кан тамырлары авыруларыннан интегүчеләр саны 45,5 процентка арткан. Гомумән алганда, бөтен республика халкы арасында авыру очраклары саны ун елда 11,4 процентка арткан. Шулай ук шешләр (19,9 процентка), сулыш органнары авырулары (12,8 процентка), нерв системасы авырулары (10,3 процентка) кебек авырулардан интегүчеләр саны арту теркәлгән.