Мәскәүдә татар теле курсларына теркәлү башланды

Мәскәүдә «Умарта» үзәгендә татар теле курсларына теркәлү башланды. Бу хакта Бөтендөнья татар конгрессы матбугат хезмәте хәбәр итә.

Үзәк җитәкчесенең авторлык курслары офлайн форматта үткәреләчәк. Икенче семестр дәресләренең вакыты 2026 елның февраль-апрель айларында булачак.

Дәресләр ике төркемгә бүленеп үткәрелә. Беренче төркем грамматиканы тирәтен өйрәнергә, сүзлек запасын баетырга һәм сөйләм күнекмәләрен камилләштерергә теләүчеләр өчен оештырыла. Икенче төркем өчен татар теленең башлангыч нигезләре, дөрес әйтелеш һәм төп тел белемнәрен үзләштерү дәвам итәчәк, диелә хәбәрдә.