Бүген төнлә Казанда муниципаль парковкаларны кардан чистартачаклар
2 гыйнвардан 3 гыйнварга каршы төндә Казанның коммуналь хезмәтләре муниципаль парковкаларны кардан чистартачак. Бу хакта Казан мэриясе матбугат хезмәте хәбәр итә.
Эшләр транспорт хәрәкәтен уңайсызландырмас өчен төнлә этаплап башкарылачак. Автомобиль йөртүчеләрдән махсус техника эшләгән вакытта парковка урыннарын бушатуларын сорыйлар.
Чистарту эшләре 2 гыйнварда кич башлана. 21:00 сәгатьтән 23:00 сәгатькә кадәр Шиһабетдин Усманов урамында урнашкан 268нче номерлы парковка зонасында кар җыештырылачак. Эшләр Декабристлар урамы белән киселештән алып Энергетиклар урамына кадәрге участокта урамның так номерлы биналар урнашкан ягына кагылачак.
Алга таба, 2 гыйнварда 21:00 сәгатьтән 3 гыйнварда 06:00 сәгатькә кадәр, кар чистарту техникасы башка муниципаль парковкаларга күчәчәк:
- Сибгат Хәким урамы, урамның җөп ягы, Әпсәләмов урамы белән киселештән алып Мусин урамы белән киселешкә кадәр (147нче номерлы парковка зонасы);
- Әпсәләмов урамы, урамның җөп ягы, Сибгат Хәким урамы белән киселештән алып Чистай урамы белән киселешкә кадәр (147нче номерлы парковка зонасы);
- Әпсәләмов урамы, урамның так ягы, Сибгат Хәким урамы белән киселештән алып Чистай урамы белән киселешкә кадәр, урамның ике ягы да, Чистай урамы белән киселештән алып Ямашев проспекты белән киселешкә кадәр (166, 207, 208нче номерлы парковка зоналары);
- Меридиан урамы, урамның җөп ягы, Меридиан урамындагы 6нчы йорт янында (167нче парковка зонасы);
- Пушкин урамы, урамның так ягы, Профессор Нужин урамы белән киселештән алып Профсоюз урамы белән киселешкә кадәр (102нче зона);
- Дзержинский урамы, урамның җөп ягы, Чернышевский урамы белән киселештән алып Кави Нәҗми урамы белән киселешкә кадәр, «Черек күл» паркы ягыннан; Дзержинский урамындагы 16нчы йорт буйлап; урамның ике ягы, Кави Нәҗми урамы белән киселештән алып Лобачевский урамы белән киселешкә кадәр (117нче парковка зонасы);
- Театр урамы, урамның ике ягы, Дзержинский урамы белән киселештән алып Зур Кызыл урамы белән киселешкә кадәр (110нчы зона);
- Ирек мәйданы, Карл Маркс урамы буйлап, Пушкин урамы белән киселештән алып Театр урамы белән киселешкә кадәр (110нчы зона);
- Пушкин урамы, урамның җөп ягы, Зур Кызыл урам белән киселештән алып Бассейн урамы белән киселешкә кадәр (110нчы зона);
- Толстой урамы, Зур Кызыл урамда 67нче йорт буйлап (322нче парковка зонасы);
- Нариманов урамы, урамның ике ягы, Татарстан урамы белән киселештән алып Париж Коммунасы урамы белән киселешкә кадәр (104нче зона);
- Нариманов урамы, урамның так ягы, Париж Коммунасы урамы белән киселештән алып Нариманов урамындагы 63 нче йортка кадәр (104нче зона);
- Нариманов урамы, урамның так ягы, Таҗи Гыйззәт урамы белән киселештән алып Чернышевский урамы белән киселешкә кадәр (104нче зона);
- Нариманов урамы, урамның ике ягы, Галиәсгар Камал урамы белән киселештән алып Межлаук урамы белән киселешкә кадәр (104нче машина кую зонасы);
- Таҗи Гыйззәт урамы, урамның ике ягы, Сул Болак урамы белән киселештән алып Гаяз Исхакый урамы белән киселешкә кадәр, урамның җөп ягы, Гаяз Исхакый урамы белән киселештән алып Борхан Шаһиди урамы белән киселешкә кадәр, урамның ике ягы, Борхан Шаһиди урамы белән киселештән алып Ямская урамы белән киселешкә кадәр (120нче машина кую зонасы).