Россия Социаль фондында иминият пенсиясен 7,6 процентка индексацияләү хакында белдерделәр
2026 елның 1 гыйнварыннан иминият пенсиясе күләме 7,6 процентка артты. Пенсияләр уртача 1 864 сумга артып, уртача күләме 26 395 сумга җитәчәк. Россия Социаль фондының Татарстан Республикасы бүлеге идарәчесе Эдуард Вафин «Татар-информ» агентлыгына биргән интервьюсында шулай дип белдерде.
«Бу автомат рәвештә башкарыла, шуңа күрә пенсионерларга беркая да мөрәҗәгать итәргә һәм гариза бирергә кирәкми. Индексация эшләмәүчеләргә генә түгел, ә эшләүче пенсионерларга да кагылачак. Яңадан исәпләү кеше эшләгән вакытта элек кулланылмаган барлык индексацияләрне исәпкә алып башкарыла. Шуның нәтиҗәсендә эшләүче пенсионерлар өчен өстәмә сизелерлек булачак», - дип хәбәр итте ул.
Шулай ук 2026 елның 1 февраленнән, узган елгы инфляцияне исәпкә алып, социаль пособиеләр дә арта. Бу балалы гаиләләр ала торган төп түләүләргә кагыла.