Актаныш волонтерлары яраланган солдатлар өчен ортопедик мендәрләр теккән
Актаныш районы волонтерлары махсус хәрби операциядә катнашучыларга ярдәм күрсәтүен дәвам итә. Бу көннәрдә «Актаныш» волонтерлар хәрәкәтендә катнашучы Зифа Камалетдинова, Флорида Шәехова һәм Фәндәрия Баймуллина яраланган солдатлар өчен ортопедик мендәрләр партиясен тегеп бетергән.
«Сөяк-мендәр» дип атала торган махсус мендәрләр имгәнгән муенны, кул-аякларны һәм арканы тотып тору өчен кулланыла.
Проектның инициаторы волонтер Резедә Храмова булган. Мендәрләр ясау эшенә шулай ук Балалар иҗат үзәге дизайн студиясендә шөгыльләнүче укучылар да кушылган.
Фотоларны Ләйсән Газизова тәкъдим итте.
Материал Ләйсән Газизова катнашында әзерләнде.