Лут һәм Миңнеханов дөньяның иң зур азык-төлек күргәзмәсендә Татарстан стендын карады

Россия авыл хуҗалыгы министры Оксана Лут һәм Татарстан Рәисе Рөстәм Миңнеханов Дубайда дөньядагы иң зур азык-төлек сәнәгате һәм эчемлекләр җитештерү күргәзмәсендә республика стендын карадылар. Бу хакта ТР Рәисе матбугат хезмәте җитәкчесе Лилия Галимова хәбәр итте.

Татарстан күргәзмәдә инде алтынчы ел рәттән катнаша. Алдагы форум нәтиҗәләре буенча 2025 елда республика компанияләре 20 экспорт контракты төзеделәр.

Быел Татарстан стенды мәйданын төбәк җитештерүчеләре ягыннан зур кызыксыну аркасында ике тапкырга диярлек арттырдылар. Шул исәптән сүз «хәләл» стандартларына туры килә торган продукция китерүгә йөз тоткан компанияләр турында бара.