Шамил Садыйков: «Татарстан» – безнең төп журнал

«Татмедиа» АҖ генераль директоры Шамил Садыйков «Татарстан» журналының 105 еллыгына багышланган тантаналы чарада басманың әһәмиятле ролен һәм югары статусын ассызыклады.

«Рөстәм Миңнехановның өстәлендә нәкъ менә «Татарстан» журналы тора – «Татмедиа» басмалары арасыннан бердәнбер журнал. Бу, әлбәттә, сезнең эшегезнең мөһимлегенең, катлаулылыгының һәм җаваплылыгының күрсәткече», – дип мөрәҗәгать итте Садыйков редакция коллективына.

Медиахолдинг башлыгы билгеләп үткәнчә, мондый бәйрәм –журналга карата зур хөрмәт билгесе.

«Безнең бер генә коллективның да, бер генә журналның да мондый форматта туган көнен үткәргәне юк. Журналистлар коллективы өчен шулкадәр күп иҗат коллективлары чыгыш ясый. Бүген тулы бер театр алар карамагында! Бу безнең сезгә карата хөрмәтебезнең күрсәткече», - дип билгеләде ул.

Садыйков баш мөхәррир Татьяна Вафинага аерым рәхмәт белдерде. Ул аны тәҗрибәле журналист һәм хөрмәтле җитәкче дип атады.

«Татьяна Николаевна – танылган журналист һәм китаплар авторы. Без аның үзен һәм аның эшен бик югары бәялибез», - диде ул.

«Бөтен «Татмедиа» коллективы исеменнән сезне юбилеегыз белән котлыйм! Чыннан да, бу – безнең төп журнал. Бик мөһим һәм кирәкле басма», – дип йомгаклады Садыйков чыгышын.