Татарстанда М5 трассасы участогында йөк машиналары һәм автобуслар хәрәкәте чикләнде
Татарстанда «Урал» М5 федераль трассасында вакытлыча чикләүләр кертелде. 1194нче чакрымнан 1363нче чакрымга кадәрге участокта йөк автомобильләре һәм автобуслар хәрәкәте чикләнде. Бу хакта ТР Дәүләт автоинспекциясендә хәбәр иттеләр.
Чаралар һава торышы һәм юл шартлары катлаулы булу сәбәпле кабул ителде. Машина йөртүчеләрне чикләүләрне исәпкә алуларын һәм альтернатив маршрутларны сайлауларын сорыйлар.