Бишкекнең бер мәктәбенә Муса Җәлил исеме бирелә
Бишкектагы 29 нчы мәктәпкә Муса Җәлил исеме биреләчәк. Бу хакта «Татар-информ»га Кыргызстан Республикасының Казандагы Генераль консулы Эрик Бейшембиев хәбәр итте.
«29 нчы мәктәпкә быел Муса Җәлил исеме биреләчәк. Ә Казанда Чыңгыз Айтматовка һәйкәл барлыкка киләчәк», - дип сөйләде агентлык әңгәмәдәше.
Дипломат сүзләренчә, әлегә Айтматовка һәйкәл кую урыны һәм вакыты билгеләнмәгән, әмма аны булдыру турында карар кабул ителгән инде.