Депутат: Россия буенча поезд пассажирлары интернетка керү мөмкинлегенә ия булырга тиеш
Бөтен Россия буенча поезд пассажирлары мобиль элемтә һәм интернетка керү мөмкинлегенә ия булырга тиеш. Бу хакта Дәүләт Думасының икътисади сәясәт комитеты рәисенең беренче урынбасары Надежда Школкина хәбәр итте, дип яза «ТАСС».
Ул билгеләп үткәнчә, һәр җирдә цифрлаштыру барганда ерак араларга йөрүче поездларда да тотрыклы элемтә һәм интернет мәсьәләсе хәл ителергә тиеш. Аның сүзләренчә, Россия тимер юллары шулай ук пассажирлар бөтен сәфәр дәвамында тотрыклы мобиль элемтә һәм интернетка ия булсын өчен һәм бу мөмкинлек тимер юл хезмәтләренең стандарт җыелмасына кертелсен өчен тырыша.
Школкина ассызыклаганча, хәзерге вакытта мобиль элемтә, бигрәк тә интернет, тимер юл маршрутларының барлык участокларында да тотрыклы эшләми.
Элегрәк Россия транспорт министры Андрей Никитин хәбәр иткәнчә, илдә поездларда мобиль элемтә һәм интернет сыйфатын яхшыртуга юнәлдерелгән төрле технологияләр белән тәҗрибәләр үткәрелә.
Ул билгеләп үткәнчә, бу күрсәткеч акрынлап яхшыра бара, беренче чиратта Мәскәү-Санкт-Петербург, Мәскәү-Түбән Новгород маршрутлары һәм Россиянең көньягы курортларына алып баручы линияләрдә.