78 яшьлек спортчы VI Түбән Новгород чаңгы марафонында катнаша
21 февральдә узачак VI Түбән Новгород чаңгы марафонына 600гә якын катнашучы теркәлгән. Бу хакта «Время Н»га ярышларны оештыручылар хәбәр иткән.
Спортчылар арасында 217 кеше 50 км, 200 кеше 30 км, ә 166 кеше 7,5 км араны үтәргә планлаштыра.
Катнашучыларның күпчелеге – 329 кеше – Түбән Новгород өлкәсеннән. Мәскәүдән – 36, Мәскәү өлкәсеннән – 30, Киров өлкәсеннән – 24, Владимир өлкәсеннән – 16, Мордовиядән – 14, Татарстаннан – 12 чаңгычы чыгыш ясаячак. Моннан тыш, стартка Санкт-Петербург, Кострома, Ивановск өлкәләреннән һәм Россиянең башка төбәкләреннән спортчылар чыгачак.
Ярышларга теркәлгән иң өлкән катнашучы Бурятиядән Вячеслав Педенкога 78 яшь, диелә.