Мөхәммәтшин Татарстан беренчелегендә 6 тапкыр җиңгән Менделеевск спортчыларын бүләкләде
Татарстан Дәүләт Советы Рәисе Фәрит Мөхәммәтшин Менделеевскиның хатын-кызлар волейбол командасына спорт инвентаре алу өчен сертификат тапшырды. Бу хакта ТР Дәүләт Советының матбугат хезмәте хәбәр итә.
2008-2009 елгы кызлардан торган команданы Менделеевск районы «Батыр» спорт мәктәбенең волейбол бүлеге тәкъдим итә. Волейболчыларны Александр Басаркин өйрәтә.
Спортчылар күп тапкырлар югары нәтиҗәләргә иреште: 2022 елдан башлап алар «Б» төркемендә (кече шәһәрләр һәм авыл районнары) волейбол буенча Татарстан Республикасы беренчелегендә алты тапкыр җиңү яулады. 2024 елда кызлар шулай ук пляж волейболы ярышларында беренче урынга лаек булды.
Фәрит Мөхәммәтшин яшь волейболчыларны уңышлары белән котлады һәм аларга спортта яңа казанышлар теләде.