«Татарстан флоты»ның сервис бүлеге җитәкчесен өй арестына озаттылар
Казанның Совет районы суды «Татарстан Республикасы флоты»ның сервис бүлеге җитәкчесе Әхмәт Хаҗиевны ришвәт бирүдә арадашчылык иткән өчен кулга алды.
Тикшерүчеләр версиясе буенча, ришвәт 2025 елның маена кадәр пассажирларны фотога төшерү һәм тукландыру белән шөгыльләнүче эшмәкәрләр тарафыннан тапшырылган. Елга судноларында эшләү мөмкинлеге алу өчен эшкуарлардан акчалата бүләк таләп иткәннәр. Эш буенча гомуми зыян 1,5 миллион сум чамасы тәшкил иткән.
Элегрәк «Татар-информ» агентлыгы Казанның Совет районы суды «ТР флоты» хезмәткәрләрен, аерым алганда, «Татарстан Республикасы флоты» АҖ генераль директорының икътисад һәм финанслар буенча урынбасары Лилия Гайзетдинованы һәм судно йөреше компаниясе генераль директоры урынбасары Алмаз Абдрахмановны ике айга өй арестына җибәрүе турында хәбәр иткән иде. Бүген аларның икесе дә гаепләрен таныдылар.