Фальков: Югары белем бирүнең яңа системасы иң яхшы тәҗрибәләрне берләштерәчәк
Россия югары уку йортларының югары белем бирүнең яңа моделенә күчүе Болон системасыннан баш тарту да, совет системасына кайту да түгел. Сүз югары мәктәп үсешенең төрле этапларының иң яхшы тәҗрибәләрен берләштерү турында бара. Бу хакта Россиянең фән һәм югары белем министры Валерий Фальков белдерде. Бу хакта ведомствоның MAX каналында хәбәр ителә.
Министр югары белем бирүнең яңа моделен кертү буенча пилот проектын мәгълүмати тәэмин итүгә багышланган киңәшмә үткәрде.
Фальков билгеләп үткәнчә, илкүләм системаны модернизацияләү төрле белем бирү алымнарының көчле якларын берләштерүне күздә тота. Аның сүзләренчә, совет югары мәктәбенә хас әзерлек төплелеген саклап калу, бер үк вакытта белем бирү программаларын сыгылмалырак һәм практикага юнәлдерелгән итү планлаштырыла.
Моннан тыш, югары белем бирү системасын яңарту укытучыларга кәгазь йөкләнешен киметүне, шулай ук аларның хезмәт хакы дәрәҗәсен арттыруны һәм социаль ярдәм чараларын киңәйтүне күздә тота.