Казанда рейд барышында салым бурычы булган ике машина йөртүчене тотканнар
Казанда үткәрелгән рейд вакытында салым һәм штраф буенча бурычлары булган ике машина йөртүчене тотканнар.
ТР Дәүләт автоинспекциясендә белдерүләренчә, рейд Федераль суд приставлары хезмәтенең ТР буенча идарәсе белән берлектә үткәрелгән. Автомобиль хуҗаларының бурычларын тиз арада билгеләргә мөмкинлек бирә торган «Паутина» махсус системасы ярдәмендә берничә дистә машинаны тикшергәннәр. Ике машина йөртүченең зур күләмдә әҗәте булуы ачыкланган - аларның машиналарын штрафстоянкага урнаштырганнар.
«Мондый уртак рейдлар юлларда дисциплинаны арттыру һәм суд карарлары үтәлешен тәэмин итү өчен даими рәвештә уздырыла», - дип искәрттеләр Дәүләт автоинспекциясендә.