"Аҳмадбой"нинг адвокати суд ҳукмидан шикоят қилинишини айтди (видео)
0
Аҳмаджон Турсунбоевнинг адвокати суд ҳукми устидан шикоят қилиш тартиби ва муддатига асосан иш кўришини айтиб ўтган. Бу ҳақда «Ахборот 24» дастурида маълум қилинди.
"Ҳукмни эшитдик. Ҳимоям остидаги Аҳмаджон Ҳамидович Турсунбоевга нисбатан, ҳимоя нуқтаи назаридан қаралганда, жуда оғирроқ жазо берилди, деб ҳисоблайман. Суд қарорини олганимиздан кейин апелляция инстанцияга шикоят берамиз", — деди адвокат Малика Мазбудова.
Аввалроқ Жиноят ишлари бўйича Тошкент вилояти суди томонидан чинозлик Аҳмадбой (Аҳмаджон Турсунбоев)га нисбатан 13 йилга озодликдан маҳрум этиш жазоси тайинлангани хабар берилган эди.