Усмонов «Милан»ни харид қилиши ҳақидаги хабарга изоҳ берди
0
Россиялик тадбиркор Алишер Усмонов "Милан" клубини сотиб олмоқчи эмас, деб маълум қилади Кун нашри.
«Жаноб Алишер Усмонов футбол клубларини сотиб олиш ҳақида кўплаб таклифларни олади. Баъзи таклифлар жиддий ўрганиб, таҳлил қилинади, баъзилари - йўқ. «Милан»ни харид қилиш бўйича ҳеч қандай таклиф олинмади» - дейилади Усмонов матбуот хизмати хабарида.
Аввалроқ, Усмонов хитойлик тадбиркор Ли Йонгҳонгнинг молиявий муаммоларидан фойдаланиб, «Милан»ни сотиб олмоқчи экани ҳақида хабарлар тарқалган эди.