Жанубий Корея - Осиё ўйинлари ғолиби
0
Индонезиянинг Жакарта шаҳрида Осиё ўйинларининг футбол турнири ниҳоясига етди.
Финалда Жанубий Корея ва Япония ёшлар терма жамоаси баҳс юритди. Ўйиннинг асосий вақтида ҳисоб очилмади. Қўшимча вақтларда кореяликларнинг қўли 2:1 ҳисобида баланд келди. Натижада, улар бош совринни қўлга киритдилар.
Эндиликда Жанубий Корея олимпия терма жамоаси аъзолари халқаро мусобақада ғалаба қозонгани туфайли ҳарбий хизматга бориш мажбуриятидан озод этилади. Жамоа футболчилари орасида айниқса «Тоттенҳэм» ҳужумчиси Сон Ҳён Мин шуни истаётган эди.
Учинчи ўрин учун баҳсда БАА ёшлари Вьетнамни пенальтилар сериясида мағлуб этишди ва бронза медалларига эга бўлишди.
Осиё ўйинлари - 2018, футбол
1 сентябрь, Жакарта
Финал
Жанубий Корея U23 - Япония U23 - 2:1 (қ.в.)
Голлар: Ли Син У (93), Хван Хи Чхан (101) - Уэда (115)
3-ўрин учун баҳс
Вьетнам U23 - БАА U23 - 1:1 (пен.3:4)
Голлар: Нгуен (27) - Ал-Ҳошимий (19)