Ҳиндистонда зино энди жиноят ҳисобланмайди
0
Ҳиндистон Олий суди зинони жиноятлар рўйхатидан чиқарди, дея хабар бермоқда ВВСга таяниб "Азон" нашри.
158 йил амалда бўлган қонунда эрли аёл билан зино қилган эркакни беш йилга озодликдан маҳрум этиш ёки уни жарима жазосига тортиш белгиланган эди. Бугунга қадар неча киши бундай жазога тортилган маълум эмас.
“Зино фуқаролик ҳуқуқида оиланинг бузилиши учун сабаб ҳисобланиши мумкин, бироқ жазога тортишга сабаб бўладиган жиноят эмас. Зино бахтсиз турмушнинг сабаб бўлиши мумкин, натижаси эмас. Қолаверса, эр аёлнинг хўжайини эмас”, – деди Олий суд аъзоси Дипак Мисра.
Унинг фикрича, аёлнинг эрининг розилигисиз бошқа биров билан жинсий алоқа қилишини тақиқлаш жинсий эркинликка зиддир.