20 мингдан ортиқ қуролли мигрант ЕИ чегараларини қамал қилмоқда
Хорватия чегаралари яқинида Яқин Шарқ ва Шимолий Африкага мансуб 20 мингдан ортиқ мигрант Европа Иттифоқи чегараларини бузиб ўтиш билан таҳдид солиб турибди. Бу ҳақда хориж нашрига асосланган ҳолда Kun.uz хабар тарқатди. Қайд этилишича, бу ерда тўпланган Покистон, Эрон, Жазоир ва Марокашдан келган мигрантларнинг деярли барчаси тиғли қуроллар билан қуролланган. Австрия Ички ишлари вазирлиги маълумотига кўра, улар «Германияга ёки Скандинавия мамлакатлари»га бостириб кирмоқчи. Босния-Хорватия чегарасини қўриқлаш учун қўшимча кучлар ташланган, аммо уларнинг кучи ҳам етарли бўлмаслиги мумкин. Шимолий Африка ва Яқин Шарқдан Европага муҳожирлар оқими 2015 йилда бошланганди. Қочқинларнинг аксар қисмини Германия қабул қилган - 1,5 миллион киши. Европага уларнинг аксар қисми денгизни кечиб ўтади. Марказий Европадаги аксар мамлакатларнинг сиёсатчилари қочқинларни қабул қилиш квоталарини қисқартиришни ёқлаб чиқишган.