Ажал хавфи остидаги америкалик эркак лотереяда катта пул ютиб, бу пулларга саёҳатга чиқишни маъқул кўрди…
Американинг Шимолий Каролина штатида яшовчи Ричард Биар (Richard Beare) яқинда хотинининг илтимосига кўра бир нечта лаҳзалик лотерея чипталарини сотиб олганди. Уларнинг бирига 250 минг доллар пул ютиб олди. Биар ютуқни хотини билан Италия бўйлаб саёҳат мақсадларига сарфлашни ният қилибди.
— Менга жигар саратонининг тўртинчи босқич ташҳисини қўйишган, — деди Биар. — Демак, ҳозирча оз бўлса-да вақтим бор. Шу вақтимни мазмунли ўтказишга аҳд қилдим…
Врачларнинг айтишича, жигар саратонининг тўртинчи босқичида турган беморлар нари борса тўрт ой умр кўриши мумкин.
2018 йили бошқа бир америкалик лотерея ўйнаб 1 миллион доллар пул ютиб олган ва уч ҳафтадан кейин вафот этган. У саратон хасталигининг сўнгги босқичини бошдан кечираётган экан-у, ўзи билмай қолибди.