ЎЗИМНИНГ ЎҒРИГИНА ҚАЙНОНАЖОНИМ…
Яқинда Россия пойтахти Москва шаҳрида яшовчи исми-шарифи сир тутилган 37 ёшли аёл квартирасидан 700 минг рубллик қўл соати, қиймати 1 миллион рублга тенг тилла тақинчоқлари ғойиб бўлганини пайқаб қолди. Квартирага яқин орада бегона одамлар кирмаганди. Фақат яқиндагина Ульяновск вилояти Енганаево қишлоғида яшовчи қайнонаси келиб шу квартирада яшаганди. Аёл дарҳол қайнонасидан шубҳаланиб, полицияга мурожаат этди. Полиция суриштирувлари натижасида ўғри ҳақиқатан 57 ёшга кирган қайнонаси экани исботланди. Қайнана кетаётганда, ростдан ҳам тилла тақинчоқлар ва қимматбаҳо соат солинган қутичани ўли билан ола кета қолган экан.
Ушбу факт юзасидан жиноий иш қўзғатилди. Аммо аёлнинг эри, ўғригина қайнонанинг ўғли бу фожиага қандай муносабат билдиргани ҳақида маълумот берилмаган.